8 чэрвеня  ў Нью-Ёрку, у грамадзкай залі на Атлантык Авэню 401 у Брукліне, прайшоў чарговы справаздачна выбары Кангрэс Беларуска –Амэрыканскага Задзіночаньня.  У адпаведнасьці са Статутам БАЗА такія Кангрэсы праводзяцца  раз на два гады. Папярэдні адбыўся 28 траўня 2011 году  ў Гайленд Парку.  

У  Кангрэсе  бралі ўдзел непасрэдна ці праз упаўнаважаньні дэлегаты ад аддзелаў і гурткоў БАЗА  з Нью-Ёрку, Нью-Джэрзы, Агайё, Вашынгтона, Канэтыкута, Каліфорніі,  Фларыды.  Дэлегатаў Кангрэсу  прывіталі і пажадалі посьпехаў старшыня Рады БНР Івонка Сурвілла і старшыня Згуртаваньня беларусаў Канады Валянціна Шаўчэнка, былі зачытаныя іх пісьмовыя допісы. Далей былі заслуханы  справаздачы  ад Галоўнай управы БАЗА і ад структурных  арганізацый, а таксама інфармацыі ад рэдакцыі газэты “Беларус” і часапіса  Belarusian Review.

Дэлегаты  Кангрэсу выказалі асаблівую падзяку за актыўную дзейнасьць  Гуртку БАЗА у Вашынгтоне і ягонай старшыні Алесі Кіпель за эфектыўную працу па ўстанаўленьню і падтрыманьню кантактаў з дзяржаўнымі структурамі ЗША , па інфармаваньню іх пра беларускія праблемы. Таксама  падзяка выказвалася Гуртку БАЗА ў Каліфорніі,  старшыня якога Алесь Арцюховіч даслаў зьмястоўную інфармацыю пра іх актыўнасьць у арганізацыі беларускага жыцьця на заходнім узбярэжжы ЗША. Пазытыўна адзначана і дзейнасьць беларусаў у Канэтыкуце. На добрым узроўні распачаў сваю працу  створаны ў канцы мінулага году Гурток у  ў Паўдзённай Флярыдзе. Плённа дзейнічае ў Нью-Ёрку Бруклінскі аддзел БАЗА, шэрагі якога папаўняюцца, вынаходзяцца новыя формы грамадзкай працы.

Пасьля зацьвярджэньня справаздачаў адбыліся выбары новага складу Галоўнай управы і Рэвізійнай камісіі БАЗА. У склад гэтых кіруючых і кантрольных органаў  былі абраныя:

Галоўная управа :

Ганна Сурмач - старшыня

Вячка Станкевіч – заступнік старшыні

Сяргей Пятровіч  - скарбнік

Таня Красоўская – сакратар

Ала Орса Рамана  – культурна- асьветны сэктар, карэспандэнцыйны сакратар

Наталія Ганчарук – сябра

Валеры Дворнік – арганізацыйны  сэктар

Яўген Іванюк – моладзевы сэктар

Валянціна Трыгубовіч

Сяргей Сарагавец  -

Расьціслаў Гарошка