ЗБОР ГРОШАЙ У ПАДТРЫМКУ МІКАЛАЯ АУТУХОВІЧА (PAYPAL)

Мікалай Аўтуховіч, 51-гадовы прадпрымальнік з Ваўкавыска, ветэран афганскай вайны, грамадскі актывіст, вызваліўся з турмы 8 красавіка. Мікалай Аўтуховіч правёў за кратамі больш за пяць гадоў. Апошнія гады Мікалай знаходзіўся ў гарадзенскай турме, вядомай сваімі жорсткімі ўмовамі ўтрыманьня вязьняў. Яму даводзілася дзяліць камеру з забойцамі і правакатарамі. Каб адстаяць сваю годнасьць, ён прайшоў праз галадоўкі, ускрыцьцё венаў, а апошнім актам супраціву сталася ўскрыццё страўніка за некалькі месяцаў да вызваленьня. 

Здароўе Мікалая моцна падарванае:     у яго разьвіўся дыябет, ён не адчувае адной рукі; патрэбная сур’ёзная дапамога стаматолага.  Акрамя гэтага, ягоная хатняя гаспадарка і фінансы ў жахлівым стане. Як кажа сам Мікалай, «лягчэй узяць вяроўку і павесіцца», чым усё аднаўляць. Але, нягледзячы ні на што, ён будзе аднаўляць сваю гаспадарку, рамантаваць і адбудоўваць уласны дом, які таксама прыйшоў у заняпад. 
    
Калі ён быў прадпрымальнікам, Мікалай шмат дапамагаў іншым людзям –     усім, хто да яго зьвяртаўся, а асабліва самым безабаронным: пенсіянерам і дзецям. Цяпер у нас ёсьць магчымасць дапамагчы Мікалаю.
   
Я звяртаюся да беларусаў у замежжы: калі ласка, дапамажыце Мікалаю і перавядзіце грошы на paypal-рахунак, які адчынены для яго.

Акцыя працягнецца некалькі тыдняу. Як толькі грошы паступяць Мікалаю, ён сам звернецца да вас с падзякай.
     
Па усіх пытаннях і прапановах, калі ласка, зьвартайцеся на гэты адрас электроннай пошты: donate2mikalaj.autukhovich@gmail.com



Дадатковая інфармацыя, спасылкі:

У кастрычніку 2005 года быў арыштаваны па абвінавачванні ў нявыплаце падаткаў. Асуджаны на тры з паловай гады. У знак пратэсту галадаў 93 дні. Разам з шасцю палітвязнямі ў пачатку 2008 года вызвалены пад ціскам ЗША і Еўрасаюза.

У лютым 2009 года зноў арыштаваны. За перавозку і захоўванне пяці патронаў да паляўнічай вінтоўкі быў асуджаны да пяці гадоў і двух месяцаў пазбаўлення волі ва ўмовах строгага рэжыму. Абвінавачванне ў тэрарызме было знята дзякуючы 90 дням яго галадоўкі.

Праваабаронцы прызналі Аўтуховіча палітвязнем, асуджаным за сваю актыўную грамадскую дзейнасць і барацьбу з карупцыяй. У студзені 2012 года суд зрабіў больш жорсткімі ўмовы адбывання пакарання Аўтуховічу, прызнаўшы яго «злосным парушальнікам рэжыму».



Comments